影片
更多
2011-10-08
17 瀏覽
女友人TW之前約我o係29-9-2011(Thur)食補祝我o既生日飯,但o個日o岩o岩打風就取消,改約尋晚(7-10-2011 Fri).佢揀o左呢間,我o地book o左位,o黎到係冇晒卡位o架喇.我o地睇menu,係冇套餐o既,我記得我上o黎睇過,好多人推介炸蘑菇.就試吓,呢個要$62.00.TW提議叫一個扒,一個漢堡包share食,嗯好啊.佢揀o左$188.00o既肉眼牛扒配蘑菇燒汁,佢食開5成,我食7成,於是我o地要中間o既6成,原來呢個有餐湯或公司沙律同兩個自選伴菜揀.我o地揀o左公司沙律,焗甜蕃薯同雞味飯.然後要$86.00o既澳坊漢堡包,係牛肉漢堡配生菜,蘑菇,洋蔥,青瓜,芥末加芝士不另收費(o衣o家至睇到原來menu上有寫芝士不另收費.)侍應問我o地加唔加芝士?我問使唔使加錢?佢答唔使,我話加啦.佢問我o地要美國定瑞士芝士?我o地問有咩分別?佢話美國o既濃啲,瑞士就清淡啲.我o地揀後者.佢亦主動問我o地漢堡包使唔使切開一半?我o地答好啊.之後,o野食好快到o黎.原來係一個黑色麵包,我o地影完相後,TW先食,佢話甜o既?怪怪地.我都試吓,佢外皮有啲脆,內裡都幾軟,係有啲
我o地睇menu,係冇套餐o既,我記得我上o黎睇過,好多人推介炸蘑菇.就試吓,呢個要$62.00.TW提議叫一個扒,一個漢堡包share食,嗯好啊.
佢揀o左$188.00o既肉眼牛扒配蘑菇燒汁,佢食開5成,我食7成,於是我o地要中間o既6成,原來呢個有餐湯或公司沙律同兩個自選伴菜揀.我o地揀o左公司沙律,焗甜蕃薯同雞味飯.
然後要$86.00o既澳坊漢堡包,係牛肉漢堡配生菜,蘑菇,洋蔥,青瓜,芥末加芝士不另收費(o衣o家至睇到原來menu上有寫芝士不另收費.)侍應問我o地加唔加芝士?我問使唔使加錢?佢答唔使,我話加啦.佢問我o地要美國定瑞士芝士?我o地問有咩分別?佢話美國o既濃啲,瑞士就清淡啲.我o地揀後者.佢亦主動問我o地漢堡包使唔使切開一半?我o地答好啊.
之後,o野食好快到o黎.原來係一個黑色麵包,
我o地影完相後,TW先食,佢話甜o既?怪怪地.我都試吓,佢外皮有啲脆,內裡都幾軟,係有啲甜,蘸附上o既忌廉食會好啲.o衣o家上o黎睇,原來就係好多人推介o既黑糖麵包.味道: 3.5分
然後係公司沙律即凱撒沙律,
沙律醬同麵包都太少,菜算新鮮但麻麻地好食.味道: 2分
炸蘑菇,
睇顏色好深色,TW話炸過龍,咪以為呢o度咁暗就博大睇唔到.其實呢樣o野都好普通,沙律醬就幾好味.味道: 3分
肉眼牛扒,焗甜蕃薯同雞味飯.
肉眼牛扒幾厚幾大件,都幾鬆軟,
而雞味飯呢,係食到雞味,但諗諗吓,咪即係海南雞飯?不過呢o度味道就濃啲.到焗甜蕃薯,
都唔係好甜,亦冇乜問題.味道: 3.33分
最後到澳坊漢堡包,原來有雜菜沙律同薯條伴住,
薯條都OK冇問題,而澳坊漢堡包,佢大大個,直徑大約有12厘米.我挑啲芝士試吓,件芝士呈淡綠色,
怪怪的,味道呢,係淡啲,但覺得有啲苦味.睇睇橫切面,
牛肉同包都好厚,正式食喇.有啲失望,感覺內裡冇乜汁同調味,乾乾地,我覺得麻麻,而且都食到苦味.TW話同麥當勞o既巨無霸差唔多.味道: 2分
環境:
燈光昏暗,但裡面o既裝修都唔浪漫,根本都唔配合.不過地方夠闊,唔錯.
服務:
落單時唔錯,會主動問我o地加唔加芝士,其實我o地唔知有得加.
然後又問我o地漢堡包使唔使切開一半,不過端上o黎時冇切開,我o地叫佢o地切返開.
我食o緊最後一件黑糖包,男侍應問都唔問我重要唔要忌廉就收走o左.
勘水呢樣就差啲,唔會密密斟,之後人多o左,想叫埋單都幾難叫.
張貼
