蓮香茶室 (已易手) 新餐廳

前身「蓮香樓」已結業，現變成「蓮香茶室」，沒有重新裝修，餐廳環境和以前一樣，座位逼夾，枱面濕。入到去，感受到一個重大改變，就係顧客少咗，竟然唔使等位，之前從來未試過。點心味道和以前「蓮香樓」差不多，熱辣辣，但是唔使鬥快出去搶都有得食。魚肚札好好味，食咗兩籠。乾蒸燒賣唔錯，肉粒結實有咬口。魚翅餃賣相有點怪，味道似乾蒸燒賣。千層糕好特別，内有椰子、蛋黃等，少少甜，軟軟地，非常好味，值得推介。蒸粉包，餡料不是雞絲，而是燒肉絲，味道一般。