喜聚燒 (已結業)

好開心，今日同朋友嚟到尖沙咀食串燒😘已經約咗好耐㗎喇 今晚我哋食喜聚燒✅-大扇貝貴妃蚌大大隻 係蒜蓉燒 非常之香💯，而且新鮮彈牙 肉質鮮嫩 而且非常鮮甜🤍-鑊仔麻辣雞半隻麻辣味十足 非常之惹味 而且雞嘅份量亦都相當之多 越食越上癮🙈鍾意食辣嘅你千祈唔好錯過👍🏻-麻辣大腸佢哋嘅麻辣汁做得相當之出色 而且大腸非常之多 唔會太肥啱啱好💯-燒新鮮脆皮白鱔外皮燒得好脆，入面非常之嫩，有少少骨，識嘅時候一定要小心啲，真係燒得好香脆👍🏻-明太子釀雞翼咬開 入面啖啖都係明太子，非常之香口 而且雞肉嫩滑 好juice-燒火辣牛肚，果然係火辣，食到我索索聲，不過真係好惹味。燒豬頸肉肉質好彈牙，幾吾錯鹽燒穀飼三層肉，脂肪同瘦肉比利時啱啱好，食落好有層次感。-蒜蓉黑松露雜菇&蒜蓉牛油娃娃菜兩個都係包住錫紙焗嘅 雜菇嘅黑松露味非常之香，娃娃菜更加唔使講 蒜蓉味十足👍🏻-海鹽燒芫茜🌿呢個真係好特別 係餐廳見到即刻要第一時間叫🤭 芫荽燒完都係好香好好食😘