Tom N Toms Coffee (已結業)

忙左好幾個星期，今日難得放假冇嘢做，即刻約咗幾個閨蜜去近排喺南昌新開嘅商場行下！Tom n Toms嘅多士一向好出名，賣相同口味都係100分，所以血拼之前，就同埋閨蜜入去醫下肚餓先🤤［黑松露醬雜菌薄餅］（$55）黑松露醬同雜菌平均分布喺每一片薄餅上面，芝士亦都能夠做出拉絲效果，值得一試！飲品方面，特別挑選左呢杯士多啤梨乳酪沙冰（+$24）😋士多啤梨配上乳酪，酸酸甜甜，特別開胃!而友人亦挑選咗一杯美式有汽咖啡(+$16)，咖啡味不算濃厚，味道尚可!［蜂蜜堅果吐司］（$55）甜吐司一直係我嘅最愛❤呢款吐司脆卜卜嘅堅果碎放喺厚厚嘅多士上面，配上濃厚而不細嘅忌廉，口感相當豐富！另外值得一提嘅係友人點嘅呢杯薄荷朱古力湯姆冰樂，淡淡嘅薄荷香配上濃郁嘅朱古力，一啖就可以讓人品嚐雙重滋味！［蜜糖芥末火腿芝士吐司］（$50）蜜糖芥末口味永遠都唔會令人失望，配上外脆內軟嘅吐司，加埋滿滿嘅芝士同火腿，味道不錯！［番茄芝士牛角包］（$55）牛角包嘅外層鬆脆可口，芝士加上蕃茄，十分飽肚!總結:蜂蜜堅果吐司+薄荷朱古力湯姆冰樂 大推!!價錢合理，唯座位較窄，頗適合姊妹淘小聚!