日本野 (銅鑼灣廣場二期) (已結業)

星期一同老公一齊請左假休息下，lunch出左去銅鑼灣食日本野，除左餐廳名帶有日本之外，裝修都幾有日本feel。我地叫左兩個午餐: 火炙蝶魚群邊海膽丼同特選刺身拼盤定食，均奉送前菜及咖啡、茶或汽水一杯。火炙蝶魚群邊海膽丼份量都幾多，燒過既魚生特別有油脂感，配以照燒汁可以撈飯食。特選刺身拼盤定食前菜係中華沙律，刺身幾肥美，有三文魚、油金魚、甜蝦、八爪魚、帶子各2件。另外仲配有味噌湯、蕎麥冷麵，天氣熱食蕎麥冷麵就最正啦。餐飲叫左熱咖啡同凍檸茶少甜。