Ellipsis Cafe & Lounge

營業中

休息中

12:30入座，坐喺最入對住落地大玻璃嘅位，店員帶位時幫我哋開埋附近風扇。冇諗到原來真係好熱，成枱人都全程冒汗，明白正午時間太陽曬冇辦法但可唔可以搞搞啲冷氣🥵🥵另外我哋問店員soup of the day係咩，店員話係蘑菇湯。由於同行有人係唔食奶/cream嘅就問清楚係咪忌廉蘑菇湯啦，佢竟然答話我唔知係咪忌廉呀總之係蘑菇湯……然後佢就繼續企喺度冇話主動去問下🤨都算啦呢啲都係小事….上菜速度先係問題😓12:45飲完湯到13:20先有野食（仲要未齊），啲湯飲完擺晒喺度咁耐又唔識收…等到13:30都仲差一份三文魚螺絲粉好有耐性嘅我哋就問店員啦（係同一位出色店員🙂）佢話：「仲差少少呀你介唔介意轉⋯⋯」全枱R晒頭啦差少少即係點呀師兄😫咁佢又返轉頭去問啦，問完返黎就話冇螺絲粉呀幫你轉意粉好冇。Am I a joke to you 食材唔夠其實好小問題但點解客人唔追你都一路唔出聲嘅可以？？可能餐廳定位都係純粹俾人放假嚟打吓卡呀好chill咁啦，因為見佢連員工都咁chill…公道講句佢啲意粉真係整得幾好嘅，但如果閒日要返工嘅日子我就勸你唔好嚟囉。