HABITŪ table (ELEMENTS圓方) (已結業)

今日請左假，專登過黎圓方揾要返工既男朋友食lunch。我地揀左HABITŪ table，佢有lunch set，但睇唔岩，所以決定散叫。我地叫左煙肉忌廉蛋汁意粉、菠菜雞肉墨西哥薄餅、蟹餅配番薯條。呢間比我想像中好食。煙肉忌廉蛋汁意粉好食，好creamy，煙肉量又多，如果意粉份量多返啲就好啦。菠菜雞肉墨西哥薄餅整到薄餅好脆，包住滿滿既菠菜、芝士同雞肉，仲有牛油果醬同番茄粒俾你配，牛油果醬凍凍地幾好食。蟹餅配番薯條都唔錯，蟹餅足料，番薯條脆口。