越北牛肉粉專門店 (已結業)

星期一Blue Monday，放工一支公無無聊聊落沙田，本來諗住食吉野家就算，點知俾我見到呢間食生牛肉湯河嘅越南🇻🇳餐廳，Blue Monday 已經夠Moody，仲要又食吉野家咪仲灰，不如食下其他野，試下佢嘅生牛肉湯河啦！1）湯嘅份量同熱度適中，可以令到生牛肉變熟，又唔會令啲牛肉過熟變韌！2）牛肉都幾新鮮嫩口。3）湯味道一般，配料只得好細好細嘅檸檬同青椒。4）一碗$52唔加一都算係貼地價錢。其實平時自己一個人放工食來食去都係某幾間連鎖快餐店，而家响沙田放工搵食又多一個選擇！