影片
更多
2020-01-16
80 瀏覽
難得收工放早， 可以輕輕鬆鬆去食好西 ，可以慢慢享受一下咁，就梗係食日本菜啦。嚟到尖沙咀天文台道嘅呢一間花木， 質素不嬲都好高， 而且食物好多選擇 ，淨係諗食乜都好頭痛， 好彩原來有 set可以按人數選擇 。今次就嗌呢一款二人前，兩個人都只係$1288，前菜到甜品一應俱全。前菜係酒盜芝士、日本澤蟹、 同埋芥末章魚， 蟹仔炸得好q好可愛， 有少少唔忍心食佢，不過食落又幾香口；芥末章魚，味道辛辣，有少少刺激，但都幾開胃；酒盜芝士味道香濃，好啱送酒。黃菊油揚菠菜沙律，菠菜新鮮清爽，撈埋芝麻醬酸酸甜甜，味道清新。刺身賣相夠曬吸引誘，有牡丹蝦、平政魚、深海池魚、中拖羅， 尤其係我最愛嘅牡丹蝦非常鮮甜，男朋友就比較鍾意中拖羅，因為味道好濃好香。不得不提海膽壽司同埋吞拿魚腩壽司， 海膽鮮甜creamy， 入口即溶，吞拿魚腩夠曬肥美，帶少少筋，好有口感。熱食方面都唔錯， 串燒盛盒有好多款， 首推牛肉露筍卷同埋黑豚肉，非常juicy，爆曬汁 ，大蔥都好香好甜， 雞翼外皮燒得好香脆。至於沖繩一口炸雞，炸粉好薄，雞肉嫩滑香脆，加上椒鹽同蛋黃醬，真係好惹味。安格斯肉眼扒嘅牛味好香，但唔會太肥 ，生熟程度適中，
嚟到尖沙咀天文台道嘅呢一間花木， 質素不嬲都好高， 而且食物好多選擇 ，淨係諗食乜都好頭痛， 好彩原來有 set可以按人數選擇 。
今次就嗌呢一款二人前，兩個人都只係$1288，前菜到甜品一應俱全。
前菜係酒盜芝士、日本澤蟹、 同埋芥末章魚， 蟹仔炸得好q好可愛， 有少少唔忍心食佢，不過食落又幾香口；芥末章魚，味道辛辣，有少少刺激，但都幾開胃；酒盜芝士味道香濃，好啱送酒。
黃菊油揚菠菜沙律，菠菜新鮮清爽，撈埋芝麻醬酸酸甜甜，味道清新。
刺身賣相夠曬吸引誘，有牡丹蝦、平政魚、深海池魚、中拖羅， 尤其係我最愛嘅牡丹蝦非常鮮甜，男朋友就比較鍾意中拖羅，因為味道好濃好香。
不得不提海膽壽司同埋吞拿魚腩壽司， 海膽鮮甜creamy， 入口即溶，吞拿魚腩夠曬肥美，帶少少筋，好有口感。
熱食方面都唔錯， 串燒盛盒有好多款， 首推牛肉露筍卷同埋黑豚肉，非常juicy，爆曬汁 ，大蔥都好香好甜， 雞翼外皮燒得好香脆。
至於沖繩一口炸雞，炸粉好薄，雞肉嫩滑香脆，加上椒鹽同蛋黃醬，真係好惹味。
安格斯肉眼扒嘅牛味好香，但唔會太肥 ，生熟程度適中，肉質帶粉紅， 仲可以夾埋脆卜卜嘅蒜片食， 食落更加香口。
最後仲有布甸同水信玄餅做甜品，布甸非常香滑，食得相當滿足。
張貼
