影片
更多
2024-12-22
510 瀏覽
最近番工做到成隻狗甘，極需要小天使安慰下。今日約左個朋友黎貓貓cafe, 城市中都可以搵到佢地！Urban Cafe 位於旺角兆萬，好方便！夜晚黎竟然好多人，睇黎人氣好高。我地就快快叫左個Set for 2 就去玩貓。南瓜芝士湯，好濃滑既南瓜味，仲可以吃到少少芝士粒，幾正。沙律就正正常常無咩特別。二人小食拼盤入面有唐揚炸雞，薯條，洋蔥圈，好中意佢個炸雞，應該係岩岩炸起外面好脆而仲保留到肉汁，好味！主菜就叫左溫泉蛋煙肉野菌卡邦尼扁意粉，醬汁濃郁，勁creamy! 溫泉蛋既加入令到個汁天更加滑。特別一提係佢d 汁好多，吃完意粉之後我直情用薯條點曬d 汁吃，真係好正。西班牙燒烤醬黑毛豬肋骨，一份有兩大舊豬肋骨，烤到岩岩好，表頭有少少焦香而肉質係軟腍既。隻汁係好香既烤汁味加少少酸甜味，中和左d 油膩感，唔錯。金沙雞翼，依個必點！一份五隻而每隻都熱辣辣，雞皮係炸到香脆而加入咸蛋粒係面，層次豐富！雞肉係嫩滑既，真係唔錯，推薦！甜品就叫左伯爵茶窩夫配曲奇雪糕，個窩夫係估唔到甘香甘脆，伯爵茶味都幾出。仲附有大量cream 同埋一球雪糕，一齊吃真係好正。值得一提係環境好正，有大量既貓貓陪食，但佢地唔會同
Urban Cafe 位於旺角兆萬，好方便！夜晚黎竟然好多人，睇黎人氣好高。我地就快快叫左個Set for 2 就去玩貓。
南瓜芝士湯，好濃滑既南瓜味，仲可以吃到少少芝士粒，幾正。沙律就正正常常無咩特別。二人小食拼盤入面有唐揚炸雞，薯條，洋蔥圈，好中意佢個炸雞，應該係岩岩炸起外面好脆而仲保留到肉汁，好味！
主菜就叫左溫泉蛋煙肉野菌卡邦尼扁意粉，醬汁濃郁，勁creamy! 溫泉蛋既加入令到個汁天更加滑。特別一提係佢d 汁好多，吃完意粉之後我直情用薯條點曬d 汁吃，真係好正。
西班牙燒烤醬黑毛豬肋骨，一份有兩大舊豬肋骨，烤到岩岩好，表頭有少少焦香而肉質係軟腍既。隻汁係好香既烤汁味加少少酸甜味，中和左d 油膩感，唔錯。
金沙雞翼，依個必點！一份五隻而每隻都熱辣辣，雞皮係炸到香脆而加入咸蛋粒係面，層次豐富！雞肉係嫩滑既，真係唔錯，推薦！
甜品就叫左伯爵茶窩夫配曲奇雪糕，個窩夫係估唔到甘香甘脆，伯爵茶味都幾出。仲附有大量cream 同埋一球雪糕，一齊吃真係好正。
值得一提係環境好正，有大量既貓貓陪食，但佢地唔會同你搶d 野食，好有家教！最緊要係任摸唔嬲，真係天使黎！感覺個人被治癒啦！
張貼
