8號茶居 (宏業南街) (已結業)

近排天氣好熱，加上喺室外返工，放工想食d冇咁熱氣既野，於是同朋友揀咗去食點心。我地一致都覺得瀑布流沙奶皇西多士（$30）係最有驚喜。西多士平時食得多，流沙奶皇既就第一次食，兩者食落毫無違和感，幾特別。雪山叉燒包（$24）即叫即整，上碟既時候熱辣辣，好新鮮！蟹籽燒賣王（$18）同鮮蝦菜苗餃（$19）都大大粒好飽滿，一人食一粒都夠哂滿足。雜果沙律春卷（$25）外層既春卷皮炸得金黃香脆，內裏既雜果沙律酸酸甜甜，食落好開胃。鴛鴦鮮蝦網米腸（$35）同溫室青瓜叉燒腸（$28）各有特色：前者顏色鮮豔，令人食慾大增；後者加入溫室青瓜，更添幾分爽脆口感。