Rimi Cafe (已結業)

放咗工後同朋友嚟cafe傾吓計順便食晚餐，一嚟到就俾佢門口吸引左，因為佢嘅擺設都幾靚，尤其是佢嘅燈設計幾特別，門口嘅燈係一個雀巢同埋兩粒蛋，第一次見覺得好得意☺️入面有好多遊戲可以玩，仲有啲旅遊書可以睇，不過今次主要同朋友傾計所以就冇玩到~我哋叫咗個二人套餐，入面都有幾多選擇下，有選擇困難症嘅我覺得好難揀，樣樣都好吸引😂🤭前菜上咗薯仔湯同埋蒜蓉包，薯仔湯煮得夠濃，食到有薯仔蓉，唔會好濃味，而且蒜蓉包好香脆，蒜蓉味夠香濃，配埋薯仔湯一齊食意外地夾，都令我幾驚喜~主菜揀咗意式青醬雞絲炒闊條麵，請將份量啱啱好，充滿着每一條麵條，但又唔會搶走左炒雞絲嘅味道，雞絲份量夠多，每一啖都食到嫩滑嘅雞肉同埋可口嘅麵條，感覺好滿足，雖然係炒雞肉，但係唔會好乾身，配埋上面嘅沙律一齊食有更fresh嘅田園味道~另外叫咗煙三文魚薄餅，煙三文魚分量足夠,而且餅底焗得好香脆，食到外脆內軟嘅感覺，感覺好驚喜,因為芝士焗到啱啱溶，而且份量多，配埋酸酸甜甜嘅番茄醬一齊食好夾，夠驚喜👍小食叫咗蒜蓉牛油焗雜菌，雖然係小食，但係分量多，用牛油焗雜菌唔會話好油膩，但係夠油香，一打開錫紙已經聞到好濃嘅雜菌味，每一啖都食到軟林林而且夠