馬六

營業中

休息中

放工加完班超級攰，所以食個簡單晚飯就返屋企休息。勞累咗一日，揀咗間坐得舒舒服服既餐廳食野。點咗無骨海南雞飯拼新加坡喇沙（$88），再跟餐加$12飲馬來香茅蜜。可能因為又攰又餓，個飯一嚟到覺得特別香😂冇骨既海南雞食落好方便，雞肉中間層啫喱有厚度，食落口感嫩滑，每次食都鍾意點甜黑醬油嚟食。至於雞油飯都幾香軟油潤，唔錯。新加坡喇沙份量比想像中豐富，喇沙充滿椰香，再帶點微辣，非常惹味！飲品揀咗馬來香茅蜜，香茅味清新，再加上蜜糖，係簡單天然既味道。