泰潮 (嘉咸街) (已結業)

輪到我去接老婆放工喇，去左間中環嘅泰國菜茶仔，我間唔中去公司總部開會都會食下。至於個環境就一般泰式餐廳咁。我同老婆一人食左一個晚餐，佢食海南雞，我食青咖哩牛腩。首先就一人一碗胡椒湯，個湯都幾濃胡椒味，但都唔會太過辣。個串燒就普普通通，唔會太乾，但都香口。我就食青咖哩牛腩，個咖哩好香，而且椰汁味都幾濃下，送飯好好。老婆就食海南雞，好好食。佢個雞皮好滑肉嫩，而且都有D雞味，真係好好食。至於個雞飯都幾香。個雞醬就普普通通，反而個青瓜沙律就有D驚喜，好新鮮爽脆。我就飲龍眼冰，幾清新，D龍眼都幾甜，用黎送咖哩一流。最後個椰汁糕就好有驚喜，唔係好甜，但好重椰汁味，超好食。