影片
更多
2018-11-30
115 瀏覽
係大角咀學完結他搵好野食，見到利奧坊呢度d餐廳幾闊落又唔多人，就揀左呢間試下！一入門口見到有個關東煮自助吧，忍唔住要揀幾樣野試試！我地點左日本蘿蔔、竹輪、冬菇、日本魚餅、福袋，點完坐返位就可以，唔使自己拎！呢度既關東煮較甜，但煮得夠軟，由其係蘿蔔，所以好入味！開頭仲驚唔夠飽就叫左個美人鍋，點知黎到係超大個鍋，好抵食！最重要係個雞底係濃郁既雞湯，蔬菜浸哂落去，好味道！小食有海蜇同燒雞泡魚乾，海蜇正常，幾爽口！而燒雞泡魚乾是必食推介!! 雞泡魚乾完全唔會好梗、食到痴牙，估計係新鮮燒，所以外脆內軟，又夠大碟，食哂d野再慢慢用雞泡魚乾送野飲，同朋友傾下偈另外試左黑毛豬腩串，我地燒左好耐，以為會過哂龍。但食落去仲係好軟身，有豬既味道，而唔係豬腥味！到浜燒大海老同浜燒蠔，待應幫我地較左5分鐘就食得，燒蠔時佢仲問我地加唔加清酒落去，話有客人會唔鍾意，好細心！食既時候覺得真係岩岩好，蠔一d都唔腥（可能係加左清酒），幾鮮！海老就大大隻（話哂都$68），啖啖肉，燒完都冇霉既感覺，但就冇咩蝦羔！係呢度仲可以飲到靜岡先飲到既綠茶可樂同日本櫻花可樂，朋友試左好鍾意綠茶可樂，我就覺得有d藥油味，而櫻花可樂真係好重
一入門口見到有個關東煮自助吧，忍唔住要揀幾樣野試試！我地點左日本蘿蔔、竹輪、冬菇、日本魚餅、福袋，點完坐返位就可以，唔使自己拎！呢度既關東煮較甜，但煮得夠軟，由其係蘿蔔，所以好入味！
開頭仲驚唔夠飽就叫左個美人鍋，點知黎到係超大個鍋，好抵食！最重要係個雞底係濃郁既雞湯，蔬菜浸哂落去，好味道！
小食有海蜇同燒雞泡魚乾，海蜇正常，幾爽口！而燒雞泡魚乾是必食推介!! 雞泡魚乾完全唔會好梗、食到痴牙，估計係新鮮燒，所以外脆內軟，又夠大碟，食哂d野再慢慢用雞泡魚乾送野飲，同朋友傾下偈
另外試左黑毛豬腩串，我地燒左好耐，以為會過哂龍。但食落去仲係好軟身，有豬既味道，而唔係豬腥味！
到浜燒大海老同浜燒蠔，待應幫我地較左5分鐘就食得，燒蠔時佢仲問我地加唔加清酒落去，話有客人會唔鍾意，好細心！食既時候覺得真係岩岩好，蠔一d都唔腥（可能係加左清酒），幾鮮！海老就大大隻（話哂都$68），啖啖肉，燒完都冇霉既感覺，但就冇咩蝦羔！
係呢度仲可以飲到靜岡先飲到既綠茶可樂同日本櫻花可樂，朋友試左好鍾意綠茶可樂，我就覺得有d藥油味，而櫻花可樂真係好重櫻花味，鍾意既會鍾意呢個味！
我就揀左完熟桃子梳打同信州提子梳打，初時以為梳打會係一杯杯餐廳溝出來，但原來真係日本支裝梳打，值回票價！
呢度真係放工鬆一鬆既好地方，又細心（食一餐用左幾個唔同爐），價錢適中，寧靜氣氛配上d日文電視，感覺自己置身於日本！
張貼
