DKLM Bar & Restaurant (已結業)

返工咁攰有機會梗係要鬆一鬆，放工後跟朋友想找個地方輕鬆一下，上網見到依間幾好就黎左尖沙咀依間bar試下。近排可能交通情況有變，所以上到黎比較靜，但我覺得咁反而仲好，可以同朋友傾下計。佢仲好有心機咁佈置左好多萬聖節既擺設，佢依副骨頭放係度好可愛。 ]我地因為比較細食，所以野食叫左個pizza同魷魚就得,Pizza真係好食到停唔到,上面黑松露好香，餅底脆卜卜，夠哂香口，仲有啲ham同火箭菜，出面好少食到依個配搭，坐係窗邊同朋友一齊食下野，飲下酒，傾下計真係好chill好開心。如果識玩桌球既上到黎可以免費玩，我就睇下人玩算啦～