Tapa Room (已結業)

放工想同朋友chill下，今次去咗一間主打地道新鮮西班牙菜，又可以飲下酒既餐廳。環境非常有情調，喺入面令人好放鬆。Sangria 去西班牙餐廳必點，一種味甜嘅水果酒，我揀咗用白酒為base既CAVA Sangria，加入咗奇異果，口感清新帶酸味；另一款Rose Sangria 試咗用Rose 為base，加入咗菠蘿，酸酸甜甜，帶有氣泡嘅清爽。黑毛豬火腿24個月特登叫咗黑毛豬火腿送酒，火腿既鹹香味配上酒香，絕佳嘅配搭。薄切慢煮八爪魚八爪魚切至薄片，咬落去爽口有嚼勁，調味料用咗香草、蕃茄蓉、橄欖油，酸酸地，配八爪魚食好夾。西班牙薯仔蛋餅超厚既蛋餅，外面煎得非常香脆，切開見到薯仔粒粒，蛋味香濃。檸汁白酒煮蜆蜆肉鮮美肥美，檸汁帶出蜆本身嘅海水味同埋鮮味，完全冇沙。西班牙海鮮鍋飯另一個去西班牙餐廳必食嘅菜式，大蝦同蜆肉鋪滿成個飯，大蝦蝦肉非常爽口彈牙，蜆肉充滿住鮮味，飯粒分別入味。