活在茶下

營業中

休息中

難得今日放咗少少同朋友嚟 海運大廈輕鬆下，近五支旗桿行入去地下嗰層多咗新嘅食店， 呢間《Tea Moment》有大家鍾意食嘅軟雪糕，也可以嗌杯熱花茶嘆一嘆。晏咗少少叫唔到可麗餅，今日已經售罄。宣威火腿芝士雞蛋仔(每日限量)~呢個招牌雞蛋仔好特別，鹹鹹地火腿芝士 原來同甜甜哋嘅雞蛋仔都可以幾夾，雞蛋仔夠香脆，呢個味道幾特別。髒髒鐵觀音雪糕雞蛋仔~雪糕雞蛋仔都係店員推介嘅，軟雪糕真係要食快啲，雞蛋仔有少少暖，但不用太擔心，有個杯盛住，鐵觀音軟雪糕嘅味道唔錯，雪糕質地夠軟滑。藍莓橙鎮江(凍)~呢個飲品非常解渴，天然食材，都好適合小朋友。茉莉花茶燕麥奶(熱)~今日天氣轉涼揀咗呢個熱飲，好香滑。玫瑰寒天軟雪糕~軟雪糕係呢度鎮店之寶，試埋個玫瑰冷凍，應該係大菜糕，花味夠香濃。