Tom N Toms Coffee (已結業)

一位哈韓嘅閨蜜誠邀我陪佢去食•Tom N Toms Coffee•佢話呢度啲吐司非常有名氣😋餐廳位於尖沙咀The One 嘅L1 ，人流唔算好多，靠窗邊坐望出去可以望到一大片陸色植物，好舒服😌絕對岩晒啲行街行到攰想休息下嘅人除左可以選擇輕食吐司加杯咖啡外，餐廳亦提供主食例如有薄餅、意粉等。因為我地等陣捻住去食壽司😋，所以决定係呢度食少少野算，留肚食肥美嘅魚生🧡✨士多啤梨乳酪沙冰 $39 (7/10)飲品賣相同McDonald 嘅milkshake 冇乜分別🥺如果可以花多少少心思落賣相度就好喇。乳酪味夠重，加淡淡地嘅士多啤梨味沙冰打得好滑😌✨焦糖忌廉吐司 $55麵包烤到個表面好脆，中間軟熟，吐司底部有好多玉桂粉，令到吐司除左有焦糖嘅甜味亦食到陣陣蘋果批嘅味道。😌總體感覺餐廳俾到人好放鬆嘅感覺，一啲都唔似Starbucks咁買咗野又驚會冇位坐，坐得耐又驚會阻住人，可以令人慢活一下。