泰.夯蝦 (已結業)

自從生完bb，好耐都未試過出去覓食，好掛住美食呀。。。今日終於可以揾番嗰種感覺，食好多好好味嘅嘢，最好嘅係又無揀錯餐廳，完全可以大飽口福。今次就揀咗好耐都冇食過嘅流水蝦，對上次去泰國食已經唔知係幾時啦，但係香港嘅質素絕對同泰國可以相比，甚至係更加優勝。荃灣呢間分店大概有5000尺空間感十足而且環境好舒服，座位就有卡位又或者可以坐喺水缸房一路夾下一路食，今次我就揀咗坐喺水缸旁邊可以玩住食。蝦嘅新鮮度十足，爽口又大隻，仲有我最鍾意食嘅膏，而且數量一啲都唔小，想食幾多有幾多。除咗主角大頭蝦之外仲會有好多唔同嘅熟食，我哋首先講吓頭盤小食，會有泰國嘅必吃小食木瓜沙律同埋泰式嘅酸辣鳳爪，食嘢之前先食呢兩個小食會令個人更加開胃。另外仲會有啲炸物可以食，有春卷，蝦片等等。鍾意食油炸嘅人士千祈唔好錯過。除咗燒大頭蝦之外仲有好多唔同嘅肉類可以燒例如豬扒，牛扒，雞翼，串燒。值得一題嘅就有好多唔同嘅海鮮，例如扇貝，帶子，聖子等等。真係目不暇給。淨係食出邊嘅自助食品其實已經食唔晒，但係餐廳仲好貼心咁會每人奉上一盒指定嘅刺身 ，如果唔夠可以追加。另外仲會有帶子鮑魚拼盤一份。真係飽到郁唔到，非常滿足呀！