滿屋日本料理 (已結業)

銅鑼灣滿屋放題放題最緊要多元化，呢度既食物類類多元化，有成十幾張點菜紙既選擇，另外亦有自助吧放置熟食、沙律、甜品，甚至有日本熱清酒飲🤩推介食物✅鹽燒牛舌、燒波蘿個人比較推薦呢兩個燒物，味道夠鹹香同較落爽脆唔會韌；菠蘿夠甜，個人好鐘意燒左有暖暖地既口感✅天婦羅值得一試既係苦瓜天婦羅，比較少有而且食落唔會太苦，帶微甘；天婦羅蕃薯用左小粒既一口薯，味道清甜👍🏾虎蝦既蝦肉脆身唔會霉，整體黎講天婦羅上碟新鮮😍✅刺身、壽司帶子同三文魚都算係厚切，用料新鮮；壽司既選擇多，個人比較鐘意火灸既系列，壽司飯略微太黏笠，如果呈粒狀會更好，但味道唔錯✅炸榴蓮丸、芝士年糕榴蓮味香濃，外皮煙韌，裡面有香滑既榴蓮餡，鐘意榴蓮既朋友仔必試；芝士年糕同樣內面有香濃既芝士，味道唔錯👍🏾👍🏾👍🏾🌟整體黎講食物選擇多元化，而且味道唔錯，可以大飽口福😚最後仲有一杯哈根大斯或者movenpick雪糕可以揀🤩