韓日屋燒烤放題 (已結業)

一黎到就即刻叫左個人蔘雞湯，上次去韓國多野食到兩個女仔跟本食唔晒D野，搞到留係個度都唔敢再去餐廳食，因為嚇驚左，反而我地係食街邊野(雞肉串燒幾好味，不過要夜D先開)，未去過韓國既朋友，強烈建議大家去韓國記得一大班人去，唔係既話2個人會過飽。韓日屋有我仲未食過既人蔘雞，張點餐紙亦都有可愛既名，有黑蚊蚊、靜雞雞、軟綿綿、碎濕濕、笑蝦蝦！食落去雞肉都幾嫩，而且湯係甜甜地唔油膩，真係幾好味。係韓國冇食到，唔知呢隻味係咪算有正宗既7成呢？我真係唔知有壽司食，其實我鐘意食刺身多啲，不過MY FRIEND好似好鐘意，見廚房咁有心思，用沙律醬畫花花，食落心情係好D。超多飲品選擇，再唔係只有百事、橙汁、7UP既放題世界，我個人比較鍾意提子味！牛肋骨都醃得幾入味，仲要有蒜泥蔥花係上面。唔知幾時又可以放假去韓國，我仲未去東大門行街啊！上次仲要撞正Runningman Haha間烤肉店裝修！