北海道食堂 (已結業)

呢日黎到沙田呢間北海道食堂食佢個放題！ 日本放題真係香港人既至愛，一個月點都要食一次，我都唔例外，呢間放題都真係一個唔錯既選擇！我地揀左要呢個極盛放題，呢間餐廳落單既方法都幾環保，唔駛用一大疊紙，而係用marker係張過左膠既餐牌上面寫要幾多份，跟住店員落完單抹番乾淨又可以用番同一張卡再落單～同埋有咩食都一張menu 過，唔會搵到人頭暈眼花～刺身呢D第一round都已經一定係必點，佢既油甘魚真係夠哂鮮味，三文魚都夠哂肥美，帶子又勁大粒，真係令人食完又想再食！我地呢個餐仲包左有一隻勁大既鐵板虎蝦，如果呢隻虎蝦都可以任食就好，真係夠哂爽口彈牙，勁正！佢既鐵板類燒物都有好多選擇，因為想食下菜就叫左個鐵板野菜，估佢唔到菜都炒得咁出色！其他天婦羅，例如係炸蝦同埋炸茄子都真係必叫，串燒類都好快上枱，中意既話仲可以叫鍋物打下邊爐！佢既甜品就有雪糕同糯米茲，真係夠哂滿足！