稻八日式火鍋炸物放題 (已結業)

最近有啲想食放題火鍋，所以就約咗朋友嚟到稻八開餐，知道餐廳慶祝 6 周年，所以任何放題包任飲啤酒、清酒同梅酒 😍 重有十多款日式炸物小食。火鍋放題有五款價錢選擇，放題除咗有得打邊爐之外，仲有好多款炸物提供，例如有牛肉薯餅、南瓜薯餅、一口芝士、吉列蠔、唐揚魷魚咀、日式餃子、八爪魚丸子、芝士年糕、日本燒餅、吉列帆立貝。落完單冇耐就出去行一圈睇下啲架步，飲品櫃雖然得兩個，但係飲品款式非常之多，而且出面仲有一個自助吧，放咗好多唔同種類嘅食品，有鴨血、豆腐、生菜、菇類等等。雪糕櫃有雪糕糯米糍同杯裝雪糕任食。😋返埋位無耐啲嘢食就送到埋嚟，刺身非常唔錯，相當新鮮 🤤 肉類亦相當精神，我哋揀咗 $298 套餐，所以有三款牛可以任叫，而且雞、羊、豚都係無限量供應。超鍾意食炸物，所以每款都叫黎試吓。