滿屋日本料理 (已結業)

記得好幾年前，剛剛有放題時，來來去去都係食嗰幾間，其中一間就係滿屋，然後隨着餐廳嘅選擇越來越多，之後都好少機會食放題了。最近心血來潮，同屋企人再book滿屋食。食物嘅選擇同以前好似都差不多，幾年後再食嘅感覺係壽司好高質。首先賣相已經好靚，而且刺身都算幾新鮮，一口壽司好適合咩都想食嘅人，連手卷都好迷你，好得意。串燒類選擇好似比以前少咗，個人好欣賞佢嘅雞軟骨，燒到脆卜卜，好香。最後食完，梗係要食少少甜嘢，佢嘅芝士年糕係勁薄皮，勁多芝士；而榴槤炸彈，榴槤香好重，正。