喜多嬉牡蠣屋 (已搬遷) 新店位置

喜多嬉牡蠣屋 (中環)📍 中環擺花街1-7號一號廣場地下9號舖🔖 主打任食日本直送生蠔，60分鐘或90分鐘既「蠔」放題！！餐廳寫住所有生蠔由北木島喜多嬉牡蠣養殖場直送🦪🦪🦪仲有其他小食、串燒、茶漬飯、烏冬及飲品供應。QR code落單，一開始餐廳職員會每人送上一份九宮格前菜。名為🦪喜多嬉九品🦪。9種食物都好唔同，有沙律、牡蠣、茶漬飯、月見燒鳥丸、天婦羅、吞拿魚蓉、鰻魚等等⋯每次點蠔🦪都可以按個人喜好去order，要唔要酸汁啫喱、蘿蔔蓉、蔥⋯每一隻都真係好大隻好新鮮！另外仲有燒蠔同燒帆立貝可以任食，燒完隻蠔都咁大隻既！！建議食燒蠔嘅時候，可以加上枱上面嘅醬汁，味道會更豐富。帆立貝就正正常常。除左蠔外，我覺得佢d串燒又燒得幾好食worrrrr!!!!! 最鍾意就係個豬頸肉，外脆內軟，仲好juicy!!! 佢既燒墨魚咀係一片片，爽口，唔太厚所以好易入口！燒味醂魚乾略嫌少少乾左d。燒七里香好食！所有串燒唔覺肥膩，真即燒即上。不過款式唔算太多。飲品方面有四種唔同嘅冷泡茶及汽水🥤