緣聚鮮鍋 (已結業)

又到年尾，飯局排到密密麻麻，今晚我同朋友揀咗緣聚鮮鍋聚餐。顧名思義，呢到既可以食放題，又可以打邊爐。我地7點左右去到已經接近滿座，好彩只需要等15分鐘就有枱。呢到裝修光猛、乾淨，4人卡位數量多，但走廊闊度足夠。美食區指示清晰，有餐前小食、熟食、沙律、日式壽司刺身、邊爐冷凍食材、蔬菜、甜品、飲品等等區域。入座後先揀好湯底，就可以出去攞野食，而打邊爐既肉係以qr code落單，非常環保，又唔怕漏單。黑蒜湯底味道濃郁，加入左洋蔥乾蔥等，好惹味。每張枱都會送上一碟冰鎮牛肉，肥瘦適中，牛肉味重。 西班牙豬脢肉亦有適量油脂，色澤鮮嫩，淥幾秒就食得，入口嫩滑。除咗肉類（牛、豬、雞）可以encore，唔夠喉又可以出外面夾牛筋丸、芝士腸、麻吉燒等等。我地仲order左魚皮餃，細細粒又彈牙。但我今晚係主力食放題，小食區嘅薯格非常之脆，葡撻外酥內軟，仲熱辣辣。除咗熱食，我當然唔可以錯過壽司啦！壽司refill速度快、種類多，其中嘅火炙三文魚壽司、芝士蝦天婦羅壽司無得輸，。而刺身我最愛帶子&三文魚，極新鮮，食落鮮甜甘香。最後，我地已經飽到食唔落朱古力噴泉，就隨意食少少啫喱過下口癮，我試嘅芋香布丁有濃郁芋頭香味