影片
更多
2022-07-03
67 瀏覽
火鍋放題食得多，有時來來去去都係牛肉都幾悶，今次搵到呢間竟然係以活海鮮做主打嘅日式火鍋放題！平時我都好鍾意食海鮮，所以book完位都相當期待！入到去餐廳都幾大，裝修好似忍者屋咁幾特別好有日本feel，而且空間感十足 ，坐得好舒服。我地當日揀咗「上忍之卷」，牛肉方面比低一級果個餐多咗日本 A5藤彩和牛同埋和牛上腦。牛肉質素真係幾高，全部都油花滿怖，勁靚！兩款和牛都入口即化！牛舌都好令人有驚喜，佢係長條型一大片！唔似出面果啲細細塊咁，食落又夠爽彈，滿足！自助區有個魚缸，可以自己夾海鮮。估唔到任食嘅海鮮都咁大隻，隻隻都勁生猛！我地夾咗好多海鮮，勁興奮！賴尿蝦、蝦、鮑魚、蜆、螺等等。我最愛賴尿蝦，夾咗好多隻！真心好大隻又啖啖肉，好鮮甜！鮑魚好厚肉，蝦肉好彈牙，yummy yummy ～自助區仲有唔少火鍋配料，基本上平時火鍋放題食到嘅都有。2位嚟食仲送隻龍蝦，又係好新鮮，龍蝦肉超彈牙！刺身方面都有唔少款式，厚度適中，質素都唔錯！除咗汽水，仲有幾款生啤都任飲，可以自己斟，放題嚟講任飲生啤都算幾少見炸物方面點咗幾次榴連炸彈同埋芝士年糕，我嘅最愛，全部都流心架，正呀！另外都仲有啲小食，只點咗呢款醬油蝦
今次搵到呢間竟然係以活海鮮做主打嘅日式火鍋放題！
平時我都好鍾意食海鮮，所以book完位都相當期待！
入到去餐廳都幾大，裝修好似忍者屋咁幾特別
好有日本feel，而且空間感十足 ，坐得好舒服。
我地當日揀咗「上忍之卷」，牛肉方面比低一級果個餐多咗日本 A5藤彩和牛同埋和牛上腦。
牛肉質素真係幾高，全部都油花滿怖，勁靚！
兩款和牛都入口即化！
牛舌都好令人有驚喜，佢係長條型一大片！
唔似出面果啲細細塊咁，食落又夠爽彈，滿足！
自助區有個魚缸，可以自己夾海鮮。
估唔到任食嘅海鮮都咁大隻，隻隻都勁生猛！
我地夾咗好多海鮮，勁興奮！
賴尿蝦、蝦、鮑魚、蜆、螺等等。
我最愛賴尿蝦，夾咗好多隻！
真心好大隻又啖啖肉，好鮮甜！
鮑魚好厚肉，蝦肉好彈牙，yummy yummy ～
自助區仲有唔少火鍋配料，基本上平時火鍋放題食到嘅都有。
2位嚟食仲送隻龍蝦，又係好新鮮，龍蝦肉超彈牙！
刺身方面都有唔少款式，厚度適中，質素都唔錯！
除咗汽水，仲有幾款生啤都任飲，可以自己斟，放題嚟講任飲生啤都算幾少見
炸物方面點咗幾次榴連炸彈同埋芝士年糕，我嘅最愛，全部都流心架，正呀！
另外都仲有啲小食，只點咗呢款醬油蝦，味道不錯。
食到後期落菜，吸哂啲海鮮精華，鮮味十足。
最後已經太飽，但都食咗兩位哈根大師為今餐畫上完美嘅句號。
整體環境好舒服，食物質素高，係難得嘅高級放題！而且食物種類多，店員好有禮貌，用餐非常愉快，推介！
張貼
