影片
更多
2018-12-12
547 瀏覽
冷峰嚟喇！冷峰嚟喇！卒之有啲寒意，既然咁凍，食火鍋就正晒啦，都好耐無食過雞煲，一於食個暖笠笠嘅雞煲迎冷冬。選址新開無耐位處大角咀洋松街嘅「食雞」，順路過埋隔離嘅大角咀市政大廈拍卡，搭地鐵慳番兩雞，哈哈。大角咀不斷轉變，近年更陸續有啲新樓落成，不過，洋松街呢一截相對都喺比較靜，而門面光猛嘅「食雞」就顯得明亮。亦有唔少食肆睇準呢啲二線社區嘅轉變，趁租金未喺咁瘋癲，想嚐試搶灘一下。嚟得早，所以都未有客人入座，而餐廳地方都頗大，樓底又高，裝修無咩花巧，簡約平實，枱櫈都排得較為闊落，故此予人感覺寛敝。以往食過幾次雞煲，因為都喺以賣質素嘅關係，都喺以散點形式，但「食雞」就唔同，以任食嘅形式。$258 + 10%一位，除雞煲，仲有多款配料任食，飲品任飲。而新開張關係，仲有6送1優惠，但就要齊腳覺先享用到，對小眾嘅客戶群就唔吸引。唯最正喺以「放題」形式嚟講，而無限時吖嘛，可以輕鬆慢慢食，唔使趕。先講個秘製雞煲，可以自行選擇雞煲風格，辣度、芫荽、洋蔥、大蔥嘅多寡都由自己話事。因應唔喺個個人都喜歡花椒呢椒嘢，入口會有種麻麻哋麻痹嘅感覺，所以，店主刻意另上，更用個小石樁嚟俾客人玩吓。引入雞煲已經多年喇，相信
大角咀不斷轉變，近年更陸續有啲新樓落成，不過，洋松街呢一截相對都喺比較靜，而門面光猛嘅「食雞」就顯得明亮。亦有唔少食肆睇準呢啲二線社區嘅轉變，趁租金未喺咁瘋癲，想嚐試搶灘一下。
嚟得早，所以都未有客人入座，而餐廳地方都頗大，樓底又高，裝修無咩花巧，簡約平實，枱櫈都排得較為闊落，故此予人感覺寛敝。
以往食過幾次雞煲，因為都喺以賣質素嘅關係，都喺以散點形式，但「食雞」就唔同，以任食嘅形式。$258 + 10%一位，除雞煲，仲有多款配料任食，飲品任飲。
而新開張關係，仲有6送1優惠，但就要齊腳覺先享用到，對小眾嘅客戶群就唔吸引。唯最正喺以「放題」形式嚟講，而無限時吖嘛，可以輕鬆慢慢食，唔使趕。
先講個秘製雞煲，可以自行選擇雞煲風格，辣度、芫荽、洋蔥、大蔥嘅多寡都由自己話事。
因應唔喺個個人都喜歡花椒呢椒嘢，入口會有種麻麻哋麻痹嘅感覺，所以，店主刻意另上，更用個小石樁嚟俾客人玩吓。
引入雞煲已經多年喇，相信唔少人都知佢個「玩法」，不過，如果唔識，枱上嘅墊枱紙都有介紹，其實，一早店員都已經有介紹。
秘製雞煲我哋嘅雞煲卒之登場，雖然已經叫做煮好晒，但趁未再熱番先影張靚相，而雞煲嘅份量確喺唔嘢少。加上煲面鋪滿芫荽、洋蔥……，熱力逼出香氣。
秘製雞煲
17 瀏覽
1 讚好
0 留言
滾起搞勻就食得，睇見到流口水，先試幾口，由於我哋要少辣，辣度輕微，店主亦話少辣啱大多數人。而啲雞仲喺好嫩身，極之入味，味道香濃有層次，唔敢講話喺咪全城最好，但亦肯定喺有水準嘅出品。
食完個雞煲就輪到打邊爐，店長會幫你加入豬骨清湯，佢仲話個湯底熬咗廿個鐘，更喺真材實料，絕無添加。有個溫馨提示俾大家，雖然加咗豬骨清湯，但唔想越食越辣，呢刻最好撈起晒雞煲內嘅辣椒，否則，食到尾個湯底變得幾辣吓。
既然喺任飲，都順便介紹吓有咩選擇，餐廳尾一大個雪櫃，擺滿多款飲品，一眼睇晒，都喺本地品牌居多。不過，之前睇個價錢牌，話啤酒類任飲需每位另加$20，我哋唔好啤酒，所以，唔知喺咪堅收，我諗店員有需要事前提一提啲客人，避免不必要誤會。
睇我嘅選擇，就知喺目的喺下吓火啦，又雞煲，又打邊爐，始終喺燥底嘢，飲罐清涼爽、加多寶（王老吉）打打底。
火鍋拼盤食過雞煲之後，店員捧嚟一份火鍋拼盤，當中包括多款火鍋料：梅頭、牛小排、珍寶蟹棒、丸類五天王、扎肉片、魚皮餃、白蘿蔔、炸魚片，話喺曬冷打頭陣，睇吓喺咪咁堅。
切片Prine牛小排打邊爐又點可以無牛肉架，啲牛小排睇落質素相當唔錯，色澤紅潤，雪花紋分佈平均，輕灼十秒八秒已經可以放入口，肉嫩油香，又有肉味，果然喺高質素。
切片Prine牛小排
20 瀏覽
0 讚好
0 留言
西班牙Iberico豬梅頭肉用到西班牙黑毛豬，自然有所期待。同樣色澤鮮紅，單睇外觀感覺唔會太肥，灼熟後，入口真喺好軟腍，又唔會太油膩，好食。
西班牙Iberico豬梅頭肉
14 瀏覽
0 讚好
0 留言
頂級魚丸、魚片頭點菜紙介紹為「極級丸類五天王」，先試炸魚蛋及魚片頭，兩款都食得出喺靚料嚟，除入口口感爽彈之外，確喺有魚鮮味，唔喺食到一口粉嘅貨色。不過，題外話，款魚片頭唔見點菜紙有，想翻兜再點可以點樣呢？
黑椒牛根丸、墨魚丸、豬肉丸再試就喺另外3款丸，品質喺唔差嘅，但話喺極級就似乎誇張咗少少。牛根丸同豬肉丸幾爽口，前者更喺有筋性。
韓國珍寶蟹棒真喺見識少，咁大個仔未見過咁大條蟹棒，食落唔錯喎，雖然都知喺搵魚漿做，但最緊要唔喺似嗰啲平價貨咁，入口一糰粉，乜味都無。
鬼馬扎肉片、魚皮餃、白蘿蔔食越南嘢時食扎肉就試得多，打邊爐則第一次，效果亦幾好喎，而且，扎肉內加咗少許馬蹄粒，感覺仲頗得意添；魚皮餃喺普通貨色，題外話，唔太鍾意打邊爐時啲白蘿蔔薄切，因為好易煮到腍晒、散晒，都喺鍾意角切多啲。
炸魚皮無問過喺咪自家製作，但估計都喺來貨，因為佢哋都無供應海鮮類食物，何來咁多魚皮。但質素都唔差喎，放湯浸一浸就食得，仲有啲脆口感之餘，吸引咗少少湯汁，添多分惹味。
響鈴同樣，店家無強調喺自家製嘅，即應該喺來貨，依家都有好多豆品鋪有賣響鈴，普遍嘅質素都唔差。簡單湯灼，輕輕一拖，響鈴吸咗少少湯汁，面層辣辣腍腍，內層仍有少少香香脆脆。
西班牙Iberico豬頸肉、手作蝦皇雲吞、鵪鶉蛋上文都提及過呢度肉類選項唔多，所以，另一款黑毛豬頸肉梗喺要試試啦，再加啲雲吞及鵪鶉蛋。好老實，鵪鶉蛋都喺貪得意點嚟食吓，唔會有咩太驚喜。
豬頸肉確喺唔錯，咬落有韌勁，又有啲爽口嘅感覺；但雲吞就真喺失望啲，一心諗住「手作」即喺新鮮包，但送到嚟只喺雪藏貨色，還好嘅喺味道都唔差。
餐廳一角，有一部大雪櫃，擺滿多份雜菜籃，有唔同嘅配搭，自由取用更自在，食幾多，就攞幾多，唔使等店員招呼。
由於無時限，可以食吓，又抖吓傾吓偈，又再食吓。不知不覺，食到肚滿腸肥，呵呵！整體而言，個人認為肉類嘅選擇偏少，又欠缺海產類食品，定價亦唔算平，所以，小弟就覺得性價比一般。雖然，有6送1優惠，但算喺門檻高，未必惠及到大部份食客。
張貼
