胡爐 (已結業)

好耐冇嚟呢度打邊爐喇。原來佢哋而家做緊半放題打邊爐，有三款煲底，我哋揀咗惹味雞煲（走辣），啲雞好有雞味。然後再有好豐富嘅「至尊拼盤」，有5款時令海鮮：鮑魚、蠔、海蝦、帶子、蜆。海鮮好鮮甜啊！而打邊爐唔少得嘅梗係呢個「手工丸餃拼盤」，有黑松露墨魚丸、蝦丸、芝心丸、泰皇先蝦雲吞、帶子餃、魚皮餃。啲丸好爽口彈牙、啲餃子好有特色！個餐唔單止有雞煲、海鮮、丸餃，仲送埋「蠔皇鮑魚彿跳牆」，真係非常豐富！其實食完個餐已經好飽，但放題食品仍然多籮籮，我哋再叫生菜、娃娃菜、炸魚皮、魷魚鬚、豆腐、支竹…仲有好多嘢食未叫，但已經飽到就爆肚了😅