影片
更多
2020-12-03
785 瀏覽
因為一早book 左位， 所以雖然係兩人限聚令重新生效的第一日， 都同友人上來食大閘蟹放題。 去到現場， 成場空蕩蕩， 連埋我個枱， 都係得4-5枱客。 去到的時候，仲有一個疑似經理的長髮女待應仲好好招待， 執咗下我哋啲位， 又問你飲咩茶， 仲提叫你要快啲落單。 呢個時候我哋心諗， 今次幾好喎， 又唔多人， 服務又好似唔差，應該唔會有之前食評提過既問題啦。但， 青年你太年輕了，一切只是假象。首先係最重點的大閘蟹，一來佢哋供應的大閘蟹好細隻，細個一個成年女士的手掌心🤚🏾，二來佢哋供應的大閘蟹無咩蟹膏， 又因為佢啲蟹細隻， 所以連蟹肉都無咩，結果係無蟹膏又無蟹肉食。 然後你會見到有3 種口味，好似好難揀？ 唔洗擔心，因為3 種口味，味道上無分別，係鹽焗個款大閘蟹，面有陣牛油味的油，但食落你係分唔到３隻味有任何分別。再加上佢啲蟹又唔係新鮮，所以蟹又無蟹味， 成個感覺就係成晚係到拆蟹。 雖然佢啲蟹咁低質，客人又少， 你就以為啲蟹會上得快？ 事實係， 我哋7 點正入座就落第一轉大閘蟹（每隻味一款，共６隻蟹），然後食佢每人限一份的前菜，食到７點１０分我哋順勢落第２轉蟹（清蒸每人２隻；花鵰每人１隻，
但， 青年你太年輕了，一切只是假象。
首先係最重點的大閘蟹，一來佢哋供應的大閘蟹好細隻，細個一個成年女士的手掌心🤚🏾，二來佢哋供應的大閘蟹無咩蟹膏， 又因為佢啲蟹細隻， 所以連蟹肉都無咩，結果係無蟹膏又無蟹肉食。 然後你會見到有3 種口味，好似好難揀？ 唔洗擔心，因為3 種口味，味道上無分別，係鹽焗個款大閘蟹，面有陣牛油味的油，但食落你係分唔到３隻味有任何分別。再加上佢啲蟹又唔係新鮮，所以蟹又無蟹味， 成個感覺就係成晚係到拆蟹。 雖然佢啲蟹咁低質，客人又少， 你就以為啲蟹會上得快？ 事實係， 我哋7 點正入座就落第一轉大閘蟹（每隻味一款，共６隻蟹），
然後食佢每人限一份的前菜，食到７點１０分我哋順勢落第２轉蟹（清蒸每人２隻；花鵰每人１隻，共６隻蟹）；大概７點１５分來了第１轉蟹，咁我哋開始食蟹，食到７點４５分，仲未有第２轉蟹，我哋就問個疑似經理的長髮女待應，然後佢話蒸緊， 咁過左陣仲未有，我哋再問，疑似經理的長髮女待應又話出緊嫁啦， 當然又未有啦， 咁我又再追問，疑似經理的長髮女待應就話啲蟹要蒸嫁嗎， 我就同佢講我７點１０分落單的，咁我哋見等咁耐，又唔知會來，所再落多次單（每人2 隻清蒸）， 但無再催， 因為一來催都無用； 二來佢啲蟹又細又無蟹膏又無蟹味，不吃也罷。 最終，全晚頭一個小時只上了１轉蟹，但最後都有上齊３轉。另一來陶源食蟹放題，是因為佢有乳豬任食，友人喜愛乳豬，所以唔去食利寶閣，反而來了陶源。的確佢啲乳豬係皮脆的， 但也太肥。 更重要的是，你想食到也不容易，任食的乳豬也是要三催四請先有得食少少。
一來到，也就是７點正已問有無乳豬食，疑似經理的長髮女待應就話未咁快有，有就會上比你；咁第１轉都好快有，７點１０分就同啲前菜一齊出咗，咁我哋順勢問仲有無得叫乳豬，疑似經理的長髮女待應就話啲乳豬咁肥，叫我哋唔好食咁多，話食唔到其他野。咁過多陣我哋等緊啲蒸左成個鐘既蟹，又 問多次，佢話燒緊，然後終於見佢出乳豬，但比左隔離枱， 問佢仲有冇，佢 又話無曬， 又要等，終於問多幾次，先有得食，４舊仔。到後尾再有客入， 再問終於有第3 轉４舊仔。 然後最尾再問，佢話無曬嫁啦。 說好的任食乳豬呢？？雖然佢有寫＂部分食品，售完則止＂
然後簡單講一講佢配給的每人限一份的前菜
１. 金湯小米燴遼參
味道清淡，小米雖少有咬口，寥寥可數遼參都有咬口
2. 鮑汁扣原隻鮑魚伴翡翠
鮑魚正常，西蘭花夠脆綠，個汁無點試，見個色都唔想試3. 蟹粉扒豆苗
2人份量??? 茶餐廳水平，同埋唔夠熱，亦無蟹味然後其他可任食的食物
楊枝甘露， 料多但味淡
芒果布甸， 太甜但芒果肉多紅棗糕， 中上 水平， 煙韌不黏牙， 有少少紅棗味也不太甜
燉蛋， 太杰， 無蛋香蛋味薑茶湯圓， 薑味好重， 我好愛， 友人覺得太辣
糯米飯，似街邊點心檔水平， 雖然唔係一pat pat , 但糯米無𡁻口， 無立味香， 蝦米冬菇也欠奉， 加少省芫荽,
都係會拖單的食品仲有壽包同脆麻花， 二個都係入座就叫咗，然後無曬影，係係最後個半鐘後問左佢先有得出。
但壽包不用試， 蓮蓉得個甜， 無蓮蓉味香， 包又乾又硬。
脆麻花正常
簡單來說，如果 貴團沒有足夠的能力／資源提供此類放題的服務，就請專注就回本位，更是上策。
張貼
