環亞機場貴賓室

營業中

休息中

去得機場 Lounge，就一定過咗出境關，等緊飛機，咁就梗係要開始放鬆下自己。依間環亞貴賓室係最方便，就係 1號閘口附近，不過都係最多人，要預番排隊時間。最出名，最好食既，一定係現煮港式魚蛋粉。魚蛋彈牙，湯底都幾好，我就食咗兩碗。其他食物都係自助，熱食有意粉、炒飯，肉丸，春巻，燒賣，時蔬，味道就一般。另外，仲有沙律，Nuts，粟米片等小食。最好既係可以任飲，包括啤酒，汽水，牛奶，橙汁，咖啡機，同埋其他基本飲品。如果有時間一定要去環亞貴賓室，可以食少少野，跟住飲住野休息下，等待航班起飛。