東涌7号 (已結業)

在朋友處到東涌，未夠鐘又有點餓，先去呢個商場搵食，剛經過呢間小店，男店員有禮的叫住我，然後介紹店內食物，店面不大，一半開放式廚房，一半就吧枱6個高腳椅座位，食物都是簡單港式食品飯類，同男店員落單後坐在位置上等，期間有幾個熟客買外賣，同男店員都有傾有講，煮食就靠一位中年女士我2108落好單，一碗雲吞麵+油菜，到2132先上麵，油菜沒有蹤影（近2125催咗一次，因2155要上公司車）外賣熟客都問做乜今日咁慢，最後只食咗雲吞麵就款走了雲吞粗麵（$36）價錢不算便宜，木盤+外賣紙碗，賣相不算廉價（餐具就正常外賣餐具）呢間應該沒人洗碗，餐具全用外賣，雲吞尺寸正常，一啖一粒，皮薄兼滑溜，餡料以豬肉為主，細蝦仁一兩隻，蝦味爽口，豬肉不乾有肉汁（男店員聲稱自家製）麵可以有幾款任揀不用加錢，揀了粗麵，麵質有咬口微彈牙，不過不知是否太急，淥完麵放在湯時間太短，入唔到味（感覺湯還湯，麵係清水淥無味，即係麵掛唔到湯）感覺唔夠一體，湯係街邊小食生菜魚肉嘅湯的味道，不是傳統雲吞麵大地魚湯的味道，幾惹味！生菜🥬爽口食物整體ok，但店家效率太慢，，一腳踢有點應接不暇，男店員是加分的，有禮斯文有笑容，適當攀談又不會太騷