敏華冰廳 (又一城)

營業中

休息中

我很喜歡去九龍塘又一城的敏華餐廳食早餐，坦白講，不能說它的早餐很優質，但性價比都幾好！我比較鍾意沙嗲牛肉公仔麵，配炒蛋多士，再加埋杯凍檸茶少甜，就可以俾到你一份滿足感！做完運動，食個靚早餐真係唔同啲！沙嗲牛肉啲牛肉份量都幾多，當然牛肉嘅質素唔會好高，啲公仔麵有煮到啱啱好，有彈性！當然我估都係啲大陸面，其實佢可以考慮用香港嘅大光麵，我會加錢用！咁就更加完美！而且佢杯凍檸茶亦都好出色！檸檬嘅份量都唔少！但係今時今日，四十零蚊一個早餐，已經好好！而且永遠都唔使等位！最後一讚佢啲員工好有禮貌！服務都真係幾好！