Cafe Paradise (已結業)

朋友約食飯，上網睇到呢間d 食評都唔錯，就book 左位黎食。 入到去先知呢間餐廳原來有教會背景，呢度既裝修同氣氛都好舒服，餐廳都幾full, 越座越多人最到都爆滿。而且服務質素高，見我地有需要仲安排我地調位，真抵讚👍🏿我地點左一個set dinner, 意粉同少量小食。Set dinner 既沙律同湯都唔錯，沙律好fresh 可以一試。另外我地仲點左辣蜆肉意粉，薯角同扇貝。意粉入面既蜆肉好鮮甜，意粉如果咸多小小會更正。芝士焗扇貝一份有三隻，芝士味夠濃烈而且唔會好"un", 咬落去仲好juicy!牛扒叫左五成熟，個味調得ok, 但食落有小小"un", 相對失色左少少。食完晒先知仲有甜品，個甜品朱古力味好濃，又唔會太甜，幾有誠意既甜品。埋單人均大約二百幾蚊，性價比尚算不錯了。