影片
更多
2015-02-13
1378 瀏覽
浸信會愛群社會服務處！百合谷餐廳！同學仔生日，在草地開生日會，叫了呢間教會餐廳嘅到會食物！叫滿$3000包送貨！包裝好企理，錫箔紙再加保鮮紙！好穩陣！仲包埋膠夾同湯匙！打開時賣相都好靚！煙火腿蟹柳鮮果沙律（$290）--面頭仿蟹柳差啲，鮮果沙律爽脆！沙律醬唔會浸住晒，係只會包裹住鮮果粒！豉油皇雞中翼（40隻）（$190）--炆得入味，豉油味唔會好咸！雞肉嫩滑！椒鹽雞中翼（40隻）（$210）--炸得香，但已經淋了少許，味道幾惹味！吉列手指魚配他他汁（$210）--都係淋咗啲！魚條唔腥，點酸酸嘅他他醬開胃！雜菌干燒伊麵（$230）--麵條炆得入味，雜菌煙韌，仲有爽口椰菜加紅蘿蔔絲！好味！楊州炒飯（$260）--炒得粒粒分明，味道夠！但比較乾！士多啤梨骨（$230）--賣相靚！一字排淋身，肉好易咬開，但又唔係用鬆肉粉（無苦味）士多啤梨味唔出！只係裝飾！蜜燒豬頸肉配泰式醬（$260）--泰式酸甜醬惹味，豬頸肉多汁淋身！外面焗過煙韌，中間淋身，好味！黑椒洋蔥牛仔骨（$340）--牛仔骨又係好淋，炆得入味，有黑椒味但唔辣！中間我們用燒烤爐再翻熱，好好味！泰式青咖哩雞皇（$260）--呢個咖哩味咖
浸信會愛群社會服務處！百合谷餐廳！
同學仔生日，在草地開生日會，叫了呢間教會餐廳嘅到會食物！叫滿$3000包送貨！包裝好企理，錫箔紙再加保鮮紙！好穩陣！仲包埋膠夾同湯匙！
打開時賣相都好靚！
煙火腿蟹柳鮮果沙律（$290）--面頭仿蟹柳差啲，鮮果沙律爽脆！沙律醬唔會浸住晒，係只會包裹住鮮果粒！
豉油皇雞中翼（40隻）（$190）--炆得入味，豉油味唔會好咸！雞肉嫩滑！椒鹽雞中翼（40隻）（$210）--炸得香，但已經淋了少許，味道幾惹味！
吉列手指魚配他他汁（$210）--都係淋咗啲！魚條唔腥，點酸酸嘅他他醬開胃！
雜菌干燒伊麵（$230）--麵條炆得入味，雜菌煙韌，仲有爽口椰菜加紅蘿蔔絲！好味！
楊州炒飯（$260）--炒得粒粒分明，味道夠！但比較乾！士多啤梨骨（$230）--賣相靚！一字排淋身，肉好易咬開，但又唔係用鬆肉粉（無苦味）士多啤梨味唔出！只係裝飾！
蜜燒豬頸肉配泰式醬（$260）--泰式酸甜醬惹味，豬頸肉多汁淋身！外面焗過煙韌，中間淋身，好味！黑椒洋蔥牛仔骨（$340）--牛仔骨又係好淋，炆得入味，有黑椒味但唔辣！中間我們用燒烤爐再翻熱，好好味！
泰式青咖哩雞皇（$260）--呢個咖哩味咖重，反而沙薑味重！我覺得咖哩汁面長期浮住層雞油好得人驚！雞肉淋身，紅蘿蔔同薯仔入味！
蒜香炒椰菜（$210）金蒜焗過已經唔脆，椰菜係比較耐焗嘅蔬菜，唔會變味或淋晒！仲保持到爽口！繽紛啫喱糖（$190）--小朋友至愛、但自己唔好椰絲，啫喱糖又太彈牙！完全食唔出味道（水果味都無）
芒果布甸（$220）--好滑，芒果肉多，唔會過甜，好味！
咁多樣菜色都幾好味，難得肉類炆得淋，唔會乾韌！（真係想知佢嘅秘方！）攪派對最怕預食物，揀到會食物都有注意嘅地方，唔好叫炸嘅食物（唔淋都會乾硬）主菜可以以有汁嘅為主！蔬菜就唔好揀唔耐煮嘅！淋晒變晒樣，一定無人食！呢啲係以往食到會嘅經驗！
張貼
