影片
更多
2014-05-25
2506 瀏覽
大半年前已經留意到茶木呢間台式餐廳,當時睇到餐廳相片,覺得環境幾舒服,係一間幾適合女仔去o既餐廳,當時都有興趣日後去試下 銅鑼灣廣場分店一向都係好多人等位,真係要等1-2小時咁耐 ,知道區內黃金廣場o係舊年底開左新分店,同朋友見面要搵地方食飯,自己又有興趣試下佢地招牌甜品蜜糖磚塊,於是一月底就決定黎黃金廣場分店食晚飯黎食飯前睇過 OpenRice,原來黃金廣場分店晚飯時間一樣都係咁多人等位 ,食飯前早一晚我去睇下餐廳環境及等位情況,原來不設訂位,又要大部份客人到齊先可以安排入座,唔怪得店外走廊塞滿等位食客,問過侍應通常黃昏6點半後就開始多人,由於我比較早放工,所以食飯當日大約黃昏6點半就去等位,因為要過半數先可以安排入座,朋友較遲放工,就算籌號輪到我o既時候都唔入得 ,要等埋朋友黎到先可以入座,當晚前後等左大約40分鐘先有位或者餐廳想配合年青感覺,留意到全部侍應係比較後生,我地入座時,侍應俾我地每人一本餐牌,餐牌印刷精美,整到成本飲食雜誌咁樣 臨近農曆新年要買好多野,朋友原本想慳錢,諗住大家每人叫一份套餐,有一個小菜配一碗白飯、沙律/蛋糕及一杯飲品,叫我唔好再花錢食甜品,其實
銅鑼灣廣場分店一向都係好多人等位,真係要等1-2小時咁耐 ,知道區內黃金廣場o係舊年底開左新分店,同朋友見面要搵地方食飯,自己又有興趣試下佢地招牌甜品蜜糖磚塊,於是一月底就決定黎黃金廣場分店食晚飯
黎食飯前睇過 OpenRice,原來黃金廣場分店晚飯時間一樣都係咁多人等位 ,食飯前早一晚我去睇下餐廳環境及等位情況,原來不設訂位,又要大部份客人到齊先可以安排入座,唔怪得店外走廊塞滿等位食客,問過侍應通常黃昏6點半後就開始多人,由於我比較早放工,所以食飯當日大約黃昏6點半就去等位,因為要過半數先可以安排入座,朋友較遲放工,就算籌號輪到我o既時候都唔入得 ,要等埋朋友黎到先可以入座,當晚前後等左大約40分鐘先有位
或者餐廳想配合年青感覺,留意到全部侍應係比較後生,我地入座時,侍應俾我地每人一本餐牌,餐牌印刷精美,整到成本飲食雜誌咁樣
臨近農曆新年要買好多野,朋友原本想慳錢,諗住大家每人叫一份套餐,有一個小菜配一碗白飯、沙律/蛋糕及一杯飲品,叫我唔好再花錢食甜品,其實我選呢間餐廳係最想試雪糕蜜糖磚塊,聽到朋友咁講有o的失望 ,不過朋友睇過餐牌,覺得套餐款式比較一般,冇必要專程等位黎食o的普通廣東小菜,所以我地唔好為左杯飲品選擇套餐
我地落單叫左 TeaWood 紅燒牛肉麵$58, 古早味三杯雞$58 及香草大蝦沙拉$58,唔叫飲品,至於要唔要甜品雪糕蜜糖磚塊,就睇下一陣夠唔夠食先決定叫唔叫啦 呢間餐廳佈置切合草木大自然主題,俾人輕鬆舒服o既感覺,座位舒適,幾乾淨,環境清幽,有精緻擺設
等左大約10分鐘,第一樣野食黎到,其餘兩款野食相繼o係之後5分鐘內送黎
香草大蝦沙拉$58呢碟沙律選用生菜,新鮮爽口,嫩綠新鮮,落左脆脆麵包粒,大約有五隻中等size蝦,雪藏蝦只要處理得好,都一樣好食,份量足夠兩個人食, o的醋係分開上,可按個人喜好落幾多份量,我地冇試下o的味就一次過倒晒落碟
古早味三杯雞$58台灣三杯雞肉嫩適口,滋味醇香,風味十足
不加湯水,只係用米酒,香油及醬油各一杯,配上九層塔,細火慢燉
三杯雞o既醬汁幾惹味,帶輕微o既辣,雞肉嫩滑,燜得幾入味,仲有九層塔o既獨特香氣餐廳提供左蠟燭台,為食物不停加熱,保持溫度
TeaWood 紅燒牛肉麵$58個碗雖然好大,但份量一般 ,有幾舊牛肉,大約兩件紅蘿蔔及兩件白蘿蔔,兩種蘿蔔配搭幾特別
牛肉有少少筋,鹵得幾淋及入味,湯夠濃郁,闊麵條幾彈牙
呢幾款野食到差不多時候,我叫朋友睇下隔離枱o既甜品蜜糖磚塊,話俾佢知我黎呢間餐廳係最想試呢款甜品 ,於是我地就向侍應落單,選左草莓香草蜜糖磚塊$68,侍應話需要大約20-30分鐘先整好,我地唔介意等,反正又唔係趕時間,等候期間除左大家傾計,又可以使用店內免費 wifi 上網,只要向侍應查詢就可以得到密碼
草莓香草蜜糖磚塊$68落單後真係要等20分鐘先送黎,侍應會俾埋一把長刀及一個大鉗客人,讓客人自己切細蜜糖磚塊
幾多人鍾意輪住拎咁大碟招牌甜品一齊影相,草莓香草蜜糖磚塊上枱後,我同朋友都"相機食先"左一大輪
蜜糖磚塊底部係三塊多士,磚中間係空心,被切左出黎o既多士切成細塊再沾上蜜糖,炸得金黃鬆脆又入味
磚塊上面有一球草莓雪糕、綿花糖粒、草莓醬及鮮草莓
流漿雪糕配合炸得皮脆內軟o既金黃多士磚,十分吸引,賣相的確係一流
草莓唔酸,加忌廉再加埋草莓醬真係幾甜食呢個甜品可以有一熱一冷同埋一乾一濕o既感覺
好多人係會先食頂層雪糕,再食多士,之後就話側邊麵包皮冇調味唔夠醬汁唔好食,唔食真係浪費食物呀 ,其實係睇下識唔識得點樣食,我地冇浪費食物,食得晒呀!
一定要搬走左個雪糕先切到多士,雪糕又快溶,想食雪糕就唔好慢慢影相,若果唔介意雪糕溶左,可以用多士點黎食,呢個食法除左更加美味,亦會食得比較有儀態
朋友原本想慳錢唔食甜品,不過食完呢個草莓香草蜜糖磚塊都覺得我冇介紹錯,值得一試 呢個甜品真係食得飽架,要至少兩個人一齊食,若果有三,四個人一齊分享就最好
不過記得要到食到咁上下先好叫,若果變左前菜而唔係甜品就唔好啦
我地冇叫飲品,侍應都願意為客人加水,不過繁忙時間進餐,搵侍應服務就需要等一等餐廳不設最低消費,又冇規定坐幾耐 ,知道有部份人就咁叫一份兩個人食,唔幫襯其他食品飲品,兩個人俾$75就坐足1.5小時,但係出面等位o既人就慘呀! 隨時要等1-2小時
若果客人坐近走廊玻璃櫥窗o既座位,可能會唔自在,覺得被出面等位o既人成日望住
茶木食物o既賣相好靚,係一間幾適合女孩子o既餐廳,亦都係約會好地方,不過真係太多人等位,又不設訂位,若果唔想花時間等位就冇辦法
總括黎講,呢間餐廳較出名o既甜品及果茶都唔係套餐可以選擇,似乎散叫先有好食物 ,因為食得套餐又食唔到招牌甜品,除非係至少四,五個人一齊share一個先得,日後有機會可以試下水果冰紅茶
張貼
