Salamat Cafe (已結業)

下午點幾要去元朗買d嘢，未食飯路過見到環境幾好行入去。女職員禮貌一般喇，講嘢冇尾音，全部單詞回應。坐低叫左個個有青口、蝦、帶子嘅意大利飯。我1分鐘飲完個湯，個飯就到了，心諗：「係咪整定翻熱嗰d嘢？」一食粒帶子，冰凍的。即刻同佢講。佢再整過，今次等正常時間，5分鐘左右。不過青口都係凍凍地，應該係全部嘢一鑊過翻熱。d意大利飯真係好鹹，不過肚餓都要食。入嚟見係cafe,餐飲叫凍咖啡。可能我誤會左（印象中餐牌係送飲品，包括咖啡，凍飲加$5。最後原來凍咖啡不包括在餐飲內，要收半價$21。最尾俾八達通$108，其實睇唔到佢收咗幾多錢，要主動問佢拎八達通的單check 。佢覺得我好奇怪咁嘅反應。服務、做食物嘅誠意真係一般。環境幾好，傾吓偈唔錯。如果叫漢堡應該會好食啲。收費唔值過一百。凍咖啡當然冇咩特別，主要係唔夠冰，未飲到一半都融晒。相信不會再幫襯了。如果再路過，下次試第二間。