点心代表 (已結業)

今日特登去點心代表食晚餐，因為知道佢哋又有蠟筆小新主題嘅點心。上次你已經大概係兩年前，當時覺得佢啲點心味道麻麻地，但係身為蠟筆小新嘅fans，就算去影吓相都好。所以今次第二次去，其實冇乜期望，只係睇下佢有冇啲新嘅點心。結果，佢啲點心嘅味道都係冇改善。不過就多咗幾款蠟筆小新嘅點心。咁影吓相都好嘅。其中一款叫嘅就係小新同佢啲朋友嘅腸粉，其實係鮮蝦腸粉，不過啲蝦完全冇味，落完鼓油都一啲味都冇。另一款叫嘅點心係不理不理左衞門嘅奶皇包。呢款點心算係最難食嗰款，因為佢個包好厚，個餡好少，我朋友食完個包之後都飽左八成。另一款叫嘅係蠟筆小新蛋撻。味道其實唔錯，不過個皮好油食完之後成手油同埋成口油，當然仲好滯。我哋都叫咗一個叫做蠟筆小新鹹牛肉西多士。其實個餡就好少，個包又好厚，味道來講就真係幾差。最後一款就係好長嘅鮮蝦春卷，呢款春卷就最安全，因為佢得春卷皮同埋蝦，難食極有個譜。如果你唔係蠟筆小新fans，就千祈唔好去食啦。講真味道上面就應該冇一間差得過佢，所以如果佢唔係再有新款蠟筆小新嘅點心，我就應該唔會再去。