影片
更多
2012-07-20
4 瀏覽
因為朋友介紹,俾左單張我睇,覺得都ok多野食所以就book位同屋企人去試下啦~由細到大都係出街食飯,所以比較挑剔.唔係間間都覺得好食,佢呢間算係唔錯,食物款式多,種類齊全,價錢又唔算貴,整體都算ok係d waiter有待改進......刺身:雖然得幾款,但都幾新鮮,味道鮮甜,三文魚都幾厚身,我本身唔食甜蝦,亦冇order....但第一round佢就亂黎左幾隻俾我!!!唔好浪費食物,就膽粗粗試下,結果又幾好食,爽甜!金菇肥牛卷:正常,唔乾身火炙三文魚壽司:個汁有wasabi.....我唔係咁鐘意花雕醉雞,手拍青瓜,椒鹽魷魚:都算ok,唔可以話好好食,但叫做名副其實佢有個推介既卷物:唔記得叫咩名,不過認真麻麻.....=.=''皮蛋豆腐:個漿汁咸左dd木瓜絲沙律:開胃醒神串燒:雞批菇,雞肉,司華力腸(中規中舉) 雞翼,粟米,雞軟骨(好食)辣椒膏炒青口:唔掂.....青口唔新鮮,有腥味,肉比較"林".....越式食物:蒸粉包,蔗蝦,春卷,腐皮包(不過不失)干煸四季豆:有水準~~~好味!!燒三文魚骨:乾身左少少,硬硬地......中式小炒:試左兩個唔記得名既骨......麻麻地.....爸爸
所以就book位同屋企人去試下啦~
由細到大都係出街食飯,所以比較挑剔.唔係間間都覺得好食,
佢呢間算係唔錯,食物款式多,種類齊全,價錢又唔算貴,整體都算ok
係d waiter有待改進......
刺身:雖然得幾款,但都幾新鮮,味道鮮甜,三文魚都幾厚身,我本身唔食甜蝦,亦冇order....但第一round佢就亂黎左幾隻俾我!!!唔好浪費食物,就膽粗粗試下,結果又幾好食,爽甜!
金菇肥牛卷:正常,唔乾身
火炙三文魚壽司:個汁有wasabi.....我唔係咁鐘意
花雕醉雞,手拍青瓜,椒鹽魷魚:都算ok,唔可以話好好食,但叫做名副其實
佢有個推介既卷物:唔記得叫咩名,不過認真麻麻.....=.=''
皮蛋豆腐:個漿汁咸左dd
木瓜絲沙律:開胃醒神
串燒:雞批菇,雞肉,司華力腸(中規中舉) 雞翼,粟米,雞軟骨(好食)
辣椒膏炒青口:唔掂.....青口唔新鮮,有腥味,肉比較"林".....
越式食物:蒸粉包,蔗蝦,春卷,腐皮包(不過不失)
干煸四季豆:有水準~~~好味!!
燒三文魚骨:乾身左少少,硬硬地......
中式小炒:試左兩個唔記得名既骨......麻麻地.....爸爸話d洋蔥"叔叔"地.....>.<
苦瓜魚塊:苦瓜正常.....但魚塊太厚粉.....所以好衰咁食闣d苦瓜算數.....折墮.....
炒通菜:好味~~~~係油左少少.....
蟹籽手卷:size正常,紫菜脆,料都夠~
咸檸七:真係有四分一個檸!!!好足料,可惜味唔夠~
甜品:我最鐘意既一環,所以食晒咁多樣~~~~~
cake都係一口裝,方便入口,但只屬普通,唔好期望好味,
啫喱杯:兩隻味,都冇藥水味
木槺布甸:好足料,好過澳門官x街果d~~~~
雪糕:牛奶公B既~~~有三隻味,都ok啦~
桂花糕:........麻麻地......唔甜,適合糖尿病人士食用
芒果味....唔知咩:上面係芒果汁,下面唔知係咩,但好滑好香,都幾好味~
題外話/補充資料：
後記:食食下黎左一碟小炒,因為估唔到係咩,又怕佢黎錯,就問左個waiter係咩黎.....點知佢答左我一句:唔清楚!跟住就行左去,又冇幫我問人,仲俾我聽到佢同個同事細細聲咁講,都唔係我跟,我點知姐~.......咁既服務態度.....汗顏....
好彩跟住我問左第二個姐姐,佢幫我入廚房搵到張單,仲話返俾我知碟餸叫咩名,証明左係我地order既~
同埋一路食都聽到有個類似經理既人,周圍問客人,食物ok嗎,之前黎食過未,同客人有交流~感覺唔錯,因為唔係煩人果d問法~
建議:大家可以既話就book早少少去食,人少少招呼都好d,食物又齊d,又唔會亂上菜~~~
仲有!!!佢地7點後入座冷熱清酒係任飲架~~~~~~^^
(以上食評乃用戶個人意見 , 並不代表OpenRice之觀點。)
張貼
