一心素食 (已結業)

六人餐再加其他素食和$1優惠，最後十一人去食了$1010都十分抵食。海皇金湯翅材料夠多而味都濃好味，炸三拼菇不太脆但不太油可以，芝士年糕三件有驚喜好味，芝士味好濃又滑又軟熟。麻辣涼拌蓮藕片夠辣切薄片不錯。 餸菜比心目中細份，但幸好就多選擇，六人餐可選六款，芋頭魚勁細條好失望，應該六人切一小件就可以，咕嚕肉口味不錯都帶脆，腐皮卷多料好味，枝竹豆腐素火腩鍋普通，石頭雜菌茄子猴頭菇幾惹味，東坡肉醬汁偏咸，炒飯和白飯要了六碗白飯。串燒雞和四季豆味正常價錢都合理，黑松露炒雜菜幾香不過不太入味。 我們最後食了一千元所以可以叫五款加一元，就換牛肝菌雜菜鍋比較淡，百合西芹炒淮山好味炒得香，芝士肉醬焗大啡菇芝士味不多但抵食， 最後再換黑松露釀茄子，和仲有六個飲品和甜品，甜品可選紅豆沙或泡芙二粒，我地最後再加送都一人一碗，見到起沙好吸引，但食落去似打碎了的紅豆整成口感普通味道不太甜但不太好味。