意粉屋 (已結業)

和家人晚餐，點了一個牛油果大蝦沙律、法式田螺焗薯容、大蝦蘑菇炒意粉、西班牙海鮮飯及醬燒豬肋骨。最喜歡牛油果大蝦沙律，味道酸酸甜甜，非常醒胃。法式田螺焗薯容亦很香，田螺下的菠菜亦好入味，整碟都好滿意。西班牙海鮮飯，海鮮份量十足，但味道像白烚急凍海鮮，冇乜味道，亦沒有海鮮鮮甜味，飯味道尚可，但平平無奇，食過更好食嘅西班牙海鮮飯，這個實在普通。醬燒豬肋骨賣相不錯，肉質尚算鬆軟，只嫌醬汁太酸太濃，完全蓋過豬肋骨的肉香。大蝦炒意粉，一上枱侍應即磨芝士碎，感覺非常良好，但可惜味道很一般，底部太多油，多到油浸意粉，吃後也很口渴。