海灣茶居

營業中

休息中

呢度裝修新同乾淨，卡位座位闊落，服務好。叫咗兩個餐，一點完菜，職員已送上跟餐嘅兩碗例湯，我係超級鍾意飲湯，實在太好了，個湯真材實料，冇味精。鹽焗手撕鷄腸粉，雞絲非常入味；腸粉即叫即做，腸粉淋有甜醬芝麻醬和芝麻，腸粉薄身惹味。瑤柱肉碎蒸水蛋，大碟抵食，兩個人食唔晒。香港最常見嘅家常菜之一，看似簡單但其實都要有技巧先可以有蛋水完美比例，加點豉油，配白飯一流。秘制蜜汁叉燒，厚切叉燒啖啖肉、叉燒斬大嚿叉燒， 甜而不膩，又腍又多汁，一啲都唔乾唔靭，好juicy，令人百吃不厭。整體價錢抵食，大份，有水準。