明星皇宮

營業中

休息中

左夾夾，右夾夾，約食冬至飯要就幾個party,最終約咗喺粉嶺祥華邨商場的明星晚飯，雖然訂咗枱，但而家啲人咁喜歡返大陸，尤其北區居民，而家啲酒樓跟本唔滿座。我們叫咗幾個小菜。首先係～片皮鴨兩食，片皮鴨微熱，皮夠油香小小脆。涼瓜炆鴨，份量大鴨件多，醬汁夠濃。蒜蓉粉絲蒸扇貝，新鮮，蒜蓉香。清蒸藍瓜子斑，魚新鮮嫩滑，豉油唔太鹹，蒸時間啱。芝士蝦伊麵，蝦大隻爽彈，伊麵彈牙，芝士味唔多夠。椒鹽鮮魷食落似急凍魷魚，係彈牙但無鮮味，無乜魷魚味，個粉漿亦唔多掂，唔酥唔脆。