霞飛點心拉麵 (已結業)

黎到K11既霞飛都係1點3，出奇地店子只有半滿，我地被安排係兩人座位，座位不太，如果放多碟食物時應該唔夠位。待應先黎幫我地沖茶，我地好快已經搵到心目中既食物。即製灌湯牛肉餡餅: 寫明要等15-20mins，上碟時唔見有煙，但原來真係好滾熱辣。每個大概有6-7cm闊，外面既皮頗厚，先咬上一小口，還未感到燙咀，到咬到深一點時，牛肉汁就一擁下流下，幸好先用匙接著。喝一口肉湯，牛味頗重，有點媽媽煮的炖牛肉湯feel，湯底濃甜。唯餡料唔算太多。小龍包: 隻隻差唔多大細，皮唔算太簿，湯清且濃味，肉也鮮甜，好食擔擔麵: 碗好大，麵就只佔一半，先黎一口湯，有濃濃的花生香，湯底厚身，喝後有點槳口。麵上有點肉碎，份量不多。麵條有點硬，我會喜歡再軟一點的。