Kome Kushi (已結業)

整體其實唔錯㗎，一家人平日去食晚餐，全餐廳得我哋，本身都有啲擔心，無人食嘅？但啲食物係可以嘅，當然開得喺赤柱都唔會預佢平，成餐飯差不多1000蚊埋單，但最緊要好食又食得開心。佢嘅卷蛋、燒物、壽司都唔錯，但佢推介嘅白飯魚pizza我就覺得好一般，最唔開心係最尾叫嘅蟹肉烏冬，食頭2啖都覺得有啲硬，再食真係唔掂，個烏冬都未煮透，未熟嘅位仲好硬，一個咁簡單嘅烏冬都煮成咁，控制唔到仲要唔平，我有啲保留。員工態度係好好嘅，有問我需唔需要煮過碗俾我，但我就覺得算喇，希望只係個別事件。