本色鍋品料理

營業中

休息中

同朋友響北角做完嘢去附近搵地方食嘢，朋友建議去呢度食，地點都算可以離開地鐵站5分鐘左右，同埋可能佢嘅時間可能比較早，所以人都唔算好多到到我哋走嘅時候人就真係多，同埋都有啲嘈。首先講吓佢啲火鍋配料都算幾齊全，唯獨是炸蒜蓉唔係好脆，裏面有啲仲比較靭。其他都還可以。今次朋友唔想食辣，所以叫咗個蕃茄湯底，蕃茄湯底味道都幾濃郁，同埋都帶有一啲蕃茄嘅酸味，識落幾開胃。肉丸同埋雜菜都算係新鮮，除此以外冇乜特別。最後一題嘅係響鈴，亦都係最失望嘅一樣，一啲都唔脆，裏面仲要完全係靭嘅，就算浸咗好耐湯都仲係好靱，感覺應該係放咗出嚟好耐已經淋晒嘅。可以話係非常差。