泰聚 (已搬遷) 新店位置

這間泰菜在路邊，7pm多已經full晒，雖然唔係好大，不過樓底好高，空間感夠大。泰式生蝦，有8隻，大隻，爽甜，有一片紅辣椒，一片苦瓜，不過冇生蒜片，加埋辣椒醬一齊食，正呀！！拼盤，魚餅，蝦餅，春卷，香葉包雞，跟甜酸醬同辣醬，全部是金黄色，魚餅蝦餅夠彈牙，春卷OK，香葉包雞都是香口入味的。蒜蓉包是長條形，好香脆又乾身，加咖喱食好好味。黄咖喱雞，這個不是好辣，夠香，有d菇好爽，雞肉也滑。生菜包豬肉，份量好夠，唔係好辣的，豬肉也夠碎同好惹味呀。生菜好新鮮，脆卜卜。我們唔夠生菜，問仕應可否給多兩塊，佢話賣晒，但朋友經過廚房見到一籃生菜，其實可以直接說不會額外給生菜，感覺會好些。青咖喱豬，這個也是好香，有d青豆，豆角，咖喱好滑身。好味。用嚟配薄餅好正。冬蔭公，唔算好辣，好多磨菇，有大蝦的，好醒胃呀。又夠晒香同足料。洛神花疏打，呢杯就麻麻，好淡，冰太多，洛神花味好少。大蝦炒金邊粉，正正常常。沙嗲串燒雞牛豬，燒到夠香，唔會好淡味。味道好足，肉也是實身，唔霉呀。柚子大蝦沙律，好開胃。柚子酸酸甜甜。整體感覺良好。