京滬佳餚 (The LOHAS康城) (已結業)

諗住今日嚟食晏，早兩個鐘打電話去book位，聽電話都已經覺得態度唔錯，轉個頭仲收到個短訊confirm。1:00準時到達安排坐卡位，環境係幾摩登，不過有少少太金碧輝煌，有啲太光，平日中午都幾多人，雖然唔係爆曬，但都已經幾嘈，不過卡位坐得都好舒服，夠闊落，張枱又夠大，嗌咁多餸都擺得落。餐牌望落去好豐富，好多唔同嘅套餐和推介，又有點心紙，豐儉由人。今次特登過嚟食片皮鴨，不過都嗌咗好多其他唔同必點菜式。先送上一點$20硬食嘅小吃，起碼唔係普通嘅花生鹹菜，係毛豆蓮藕脆豆，再送上一壺普洱茶，開頭顏色都唔錯，不過衝到第三次就冇晒色。落單之後餸菜好快就陸陸續續送上，限時招牌小籠包六隻$18，超抵，皮唔算好薄，餡料多汁有鮮味，夾超來唔容易穿，算係有咁上下水準，咁嘅價錢，真係覺得幾抵。爆汁牛肉煎餅，餡料同樣多汁有牛肉味，不過個皮略為煎得唔夠脆，墨魚蝦餅就不過不失，擔擔面嘅湯料好豐富，好夠味，麵質就麻麻，有啲過林，有啲失望，酸辣湯屬正常，雲吞鴨肉湯，雲吞就一般，有啲硬嘅感覺，鴨肉就唔係好多，不過個湯都幾濃味，水準算OK，蔥油海蜇頭，分量唔錯，海蜇頭好爽口，醋嘅味道比較重，欠缺蔥油味，不過加咗唔同嘅酸菜，配