新記芝士麵 (已搬遷) 新店位置

自從間舖幾年前搬左之後都冇去食過 今日行過認得個名，以為唔係同一間舖，但睇下痴係玻璃D名星合照相同以前一樣就知係同一間 咁就同朋友入去左食，試下有咩轉變。 新舖樓底高左又闊左，坐得舒服好多。餐牌冇變過都係果D野食。叫左個例牌既雞扒蛋芝士麵，朋友叫左雞扒腸仔芝士麵。 唔洗等好耐就有得食。芝士汁隻味同以前差唔多，又甜又香有少少膩，不過麵既份量好似少過以前，但價錢又升左（以前三十幾而家四十幾），有D唔抵既感覺，麵質似出前一丁，但又冇咁彈，整體水準冇退步，好食但都係略嫌太貴。